ARRAPITZ FEDERAZIOA
Arrapitz federazioak laborantzaren garapenerako 16 elkarte biltzen ditu, Euskal Herriko laborariek plantan eman dituztenak, Euskal Herriko laborarien onerako.

Haize Berri, 1215 Izura Azmeko errepidea
64120 IZURA
05 59 37 23 21
Astelehenetik ostiralerat 9'30tik 17etara
ARRAPITZ federazioa 1991n sortu zen, “Fédération Pour Un Nouveau Développement Rural” izena harturik. Laborantzaren garapenerako 16 elkarte biltzen ditu; mota anitzetako elkarte horiek federatu dira beren egitasmoei koherentzia gehiagoren emateko eta beren gaitasunen partekatzeko. Elkarte sare horrek milako bat etxalde elkarretaratzen ditu.
Arrapitzen xedea da sortzen ari diren edo jadanik plantan diren dinamika kolektiboen arteko lokarriak jostea eta “kanpañako eta laborantzako garapen eredu” bat konkretuki eta elkarrekin obratzea :
- Kanpañako eragileek —bereziki laborariek— pentsaturik eta obraturik
- Hil ala bizikoa da Euskal Herriko barnealdearendako: desertifikazioari arrasta emateko (eta, zergatik ez, haren gelditzeko) eta dauden laborarien eta etxaldeen atxikitzeko ;
- Bizikorra da obratzen dutenendako, laborariei balio gehitua eta irabaziak ekarriz, bai eta gazteak instalatzera motibatuz ;
- Egun guzietakoan bizigarria da, bizi kalitate ona emanez.
28 urte horietan, Arrapitz federazioaren eginkizunak kanbiatuz joan dira, lurraldean agertu diren beharrei erantzuteko xedez, Arrapitz beraren barnean sortu diren garapen-elkarteen lanari emeki-emeki egokitzeko.
Arrapitzen kide den elkarte bakotxak bere eginkizunak, bere ikusmoldea eta bere gaitasunak baditu. Federazioak elkar ezagutzeko eta gogoetatzeko lekua eskaintzen die, proiektu komunetan lan egiteko, iritzi komun baten eraikitzeko edo defendatzeko edo, sinpleki, elkar laguntzeko.


Animazioa & Komunikazioa
Proiektu batzuk (Amalur, Slowfood produktu zentinelak) berak eraman ondotik, orain, Arrapitz federazioa sarearen animazioari eta biziari gehiago lotu zaio.
Kanpainetako garapenaren alde ari diren eragileen trukaketa eta komunikazio lekua da, ekintzen errexteko.
Arrapitz federazioak bere elkarteak ezagutarazi nahi dizkie laborariei eta laborari instalatuko direnei.

Elkarteei eskaini Laguntza & Zerbitzua
Federazioak zerbitzuak ere proposatzen ditu, fakturazioan, kontabilitatean eta ordainketen segitzeko.
– 48 lanpostu (42 denbora osoko heinekoak), kanpaña aldean daudenak,
– lurraldeari on egiten dioten ondorio sozial eta ekonomikoak,
– ikastaldian edo zerbitzu zibikoan diren gazteen eta ez hain gazteen laguntzea.
1991an
sortua

Patrick SALLABERRY, ko-lehendakaria, EHEEE
- Fabien LABRUNE, ko-lehendakaria, Trebatu
Francis LARREA,diruzaina, B.L.E
Laure MURAT eta Jean Léon LARROQUE, AFOG
Ximun BERGOUIGNAN eta Gexan COSTERA, Irulegiko arnoen sindikatua
Pantxika MAITIA,Sagartzea
Bernadette OILLARBURU, SOS Indartu
Panpi OLAIZOLA, Ezpeletako Biperraren Sindikatua
Johañe FOIRIEN, Lurzaindia
Hélène ROLLAND – Monique SAÜT, Zalgizeko gazitegia
Jennyfer AUDY, Uharte Garaziko gazitegia
- Bastien CECCHETTO, Buru Beltza elkartea
- Olivier DOYHENARD, EHKOlektiboa
- Anais CHATEAU, idazkaria eta animatzailea
- Argitxu JAUREGUI, kontu eta giza baliabideen arduraduna
- Carine SARRIQUET, finantza kudeatzailea
05 59 37 23 21 – contact@arrapitz.eus
Laborantza elkarte orok eskatzen ahal du federazioan sartzea. Eskaera Administrazio Kontseiluan aipatzen da eta bozkatzen.
Urtesari bat fakturatzen da urte oroz; haren zenbatekoa kideen kopuruan oinarritzen da.